Phanishwar Nath Hindi Lover Poetry
saajan! holee aaee hai!
sukh se hansana
jee bhar gaana
mastee se man ko bahalaana
parv ho gaya aaj-
saajan ! holee aaee hai!
hansaane hamako aaee hai!
saajan! holee aaee hai!
isee bahaane
kshan bhar ga len
dukhamay jeevan ko bahala len
le mastee kee aag-
saajan! holee aaee hai!
jalaane jag ko aaee hai!
saajan! holee aaee hai!
rang udaatee
madhu barasaatee
kan-kan mein yauvan bikharaatee,
rtu vasant ka raaj-
lekar holee aaee hai!
jilaane hamako aaee hai!
saajan ! holee aaee hai!khoonee aur barbar
ladakar-marakar-
madhakar nar-shonit ka saagar
pa na saka hai aaj-
sudha vah hamane paee hai !
saajan! holee aaee hai!
saajan ! holee aaee hai !
yauvan kee jay !
jeevan kee lay!
goonj raha hai mohak madhumay
udate rang-gulaal
mastee jag mein chhaee hai
saajan! holee aaee hai
No comments:
Write comments